Голем број тела, од кои многу неидентификувани, денеска беа закопани во масовна гробница, што е основна задача на филипински власти за да се зачува здравјето на преживеаните во Таклобан. Градот е речиси целосно уништен, а преживеаните молат за помош.
САД објавија дека на Филипините пристигнал носачоит на авиони Џорџ Вашингтон со околу 5.000 маринци. Носачот има десетина авиони и хеликоптери, како и огромен капацитете за производство на питка вода која би требало да им ја врати надежта на преживеаните.
Јапонија најави дека ќе испрати 1.000 војници како и воени бродови и авиони. И други земји и хуманитарни организации најави помош за Филипините, каде после тајфунот Хеијан жртвите се бројат над илјада.
Застрашувачки е бројот на телата кои беа поставени на дното на заедничката гробница во Таклобан. Има уште толку тела, на други места, рече градоначалникот Алфред Ромуалдез, додека низ градот се шири смрад на тела во распаѓање, а на преживеаните им се заканува епидемија.
Според проценките градските службио пронашле околу 2.000 тела, додека вистинскиот број на жртвите не може да се процени. Според последните официјални податоци загинале 2.357 луѓе, а 77 се исчезнати.
Некои подрачја на Филипините се на работ на анархија, има бројни грабежи на продавници и складишта со храна и вода. Гневот и незадоволството се се поголеми зашто луѓето не можат да си ги задоволат основните потреби за да преживеат, затоа храната и останатата стока се трупаат на аеродромот на Таклобан.