Клучен адут на холивудската индустрија во 2013 година ќе бидат продолженијата на големите хитови. Прогнозите за тоа кој ќе биде најголемиот „кршач на кино благајните“ се едногласни – тоа е продолжението на трилогијата на Питер Џексон „Хобит, неочекувано патување“, филм кој исто така е поделен на три дела. Догодина се очекува да излезе второто продолжение „Хобит: Пустошењата на Шмауг“, за кој се верува дека ќе го повтори успехот на првиот дел.
Уште еден блокбастер во 2013 година би можел да биде продолжението на „Игра на гладот: Лов на огинот“, а добар комерцијален адут се смета и новот сегмент на филмскиот серијал „Ѕвездени патеки“, во режија на Џ.Џ. Абрамс, кој е одговорен за ревитализација на овој серијал на големото платно.
Во кината се враќа и Ридик антихеројот од далечната иднина, кој во 2000. Година го играше Вин Дизел и таа година беше хит во “Планета на темнината„ на режисерот Дејвид Туи. Овој режисер е и творец на помалку популарниот „Хрониките на Ридик“ од 2004 година, а го потпишува и најновото продолжениесо едноставен наслов „Ридик“ кој треба да излезе во 2013 година.
Меѓу останатите продолженија што се очекуваат годинава се и „Ајрон Мен 3“, „Тор: мрачниот свет“, „Штрумфови 2“, „Тексашкиот масакар со моторна пила 3Д“, „Џиперс криперс 3“ и уште една приказна за Бриџит Џонс, повторно со Рене Зелвигер „Бебето на Брџит Џонс“.
Вин Дизел, иконата на акциониот жанр на изминатата деценија ќе се појави во шестото продолжение на долговечниот серијал „Паклени улици“.
Неговиот постар колега Брус Вилис по петти пат ќе „умира машки“ во филмот насловен „ Убав ден да се умре машки“. Старата гарда на мајсторите на акционите филмови подготви остварувања како „Последните упоришта“ со Арнолд Шварценегер и “Гробот„ со Шварценегер, Силвестер Сталоне и Фифти сентс. Се огласија и режисерите специјализирани за овој жанр, како Мајкл Бејн со „Pain And Gain“ и Роналд Емерих со „White House Down”.
Не престанува и озлогласениот тренд на римејкови, особено во жанрот на хоророт. Нови верзии добија хорорите „Злите мртовци“ и култниот „Кери“, најинтересна е најавата за римејк на филмот „Старо момче“ чиј што оригинал го прослави јужнокорејскиот режисер Чанк Ву Парк, а чија што американска верзија ја потпишува ни помалку ни повеќе, туку Спајк Ли.
Научно фанатастичните филмови годинава ќе нападнат со неколку големи продукции како “Pacific Rim” на Гилјием дел Торо, „Oblivion“ на Џозеф Козински, „Elysium“, на Нил Бломкемп, After Earth” ” на Најт Шлајмалан и филмот „Домаќин“ на Ендрју Никол.
Научно фантастичниот филм “Ендеровата игра“ е претставник на уште еден холивудски тренд на правење филмови според познати романи, покрај „Хобит“ , публиката ја очекува и новата везија на „Големиот Гетсби“ со Леонардо ди Каприо во насловната улога, потоа „Јованче и Марика: ловци на вештерки“ и „Светската војна З“ на режисерот Мајкл Фостер со Бред Пит во главната улога. А и Џон Малкович ќе се појави во филм со сличен жанр на зомби апокалипса, тоа е филмот “Warm Bodies” на режисерот Џонатан Левајн.
Свои нови филмови најавија големите имиња како Мартин Скорцезе („Ѕверот од Вол стрит“), Педро Алмодовар („Толку сум возбуден“), Стивен Содерберг („Side Effects“), Теренс Малик („Knight Of Cups“), Ларс фон Трир („Нифоманка“), Ридли Скот („The Councelor“), Дејвид Кроненберг („Maps To The Stars“), Тери Гилијам („The Zero Theorem“) и Вернер Херцог („Кралица на пустината“).
И режисерските имиња кои неколку години не се појавија со нови наслови, за годинава ги најавија своите нови остварувања, меѓу нив се Лик Бесон со филмот „Малавита“ со Роберт де Ниро во главната улога. А тука се и Роберто Родригез („Machette Kills“), Адам Егојан со „Јазолот на ѓаволот“, Џим Џармуш со филмот насловен „Само љубовниците остануваат живи“, Дени Бојл со „Тренс“. По пет години пауза се враќа и ветеранот на новохоливудскиот филм Пол Шредер со „The Canyons“.
Љубителите на биографските филмови, во 2013 година може да очекуваат две интересни остварувања: „Ловлејс“ за животот на порно актерката Линда Ловлејс позната по филмот „Длабоко грло“ и вториот филм „Дајана“ за трагично загинатата британска принцеза.
Во жанрот на комедијата како поуспешни остварувања се очекуваат филмовите „Крајот на светот“ на режисерот Едгар Рајт и „Старци 2“ со Адам Сендлер во главната улога. Најавен е и еден вестерн: новата екранизација на стрипот „Осамениот ренџер“ со Џони Деп во главната улога.
Како поинтересни трилери се најавуваат филмовите”Gangster Squad” со Шон Пен во главната улога и „Тејлор“ со Џенифер Лопез.
Вил Смит, Расел Кроу и Колин Фарел, годинава, ќе ги гледаме во фантазијата „Зимска приказна“.
Во 2013 година се враќа и Киану Ривс, тој ќе дебитира како режисер на кинеско американската боречка акција насловена “Man Of Tai Chi”, во кој ќе ја игра и главната улога.