ФОТОГАЛЕРИЈА: Седми ден граѓаните се задушуваат

Скопје утрово обвиткано во чад и смог. Седми ден граѓаните се задушуваат, загаденоста во Скопје е над дозволеното.

Концентрацијата на честички во атмосферата е тесно поврзано со појавата на болестите па дури и смрт. За секое зголемување од 10 микрограми на кубен метар честички, стапката на смртност се зголемува од 0,5 на 5 проценти. 

Загадувањето со честички придонесува за различни болести и состојби: се зголемува бројот на мозочни удари, хронична опструктивна белодробна болести, респираторни инфекции, напади на астма, се намалува функцијата на белите дробови.

Постојат неколку начини како честичките ПМ10 можат да ја зголемат смртноста на населението: честичките предизвикуваат тахигардија (научниците веруваат дека повеќе од половината од смртните случаи од срцеви болести се последица на честичките), предизвикуваат смрт кај луѓето со хронична опструктивна белодробна болест, честичките можат да предизвикаат и дијабетес.

Според експертите од Светската здравствена организација (СЗО) штетните материи во воздухот доведуваат до сериозни нарушувања во кардиоваскуларниот систем и се причина за смрт на околу 2 милиони луѓе годишно.

Светските научниците изјавуваат дека алкохолот, кафето и дрогата се помалку опасни по здравјето на луѓето одколку нечистиот воздух. Научните студии откриваат дека загадениот воздух го зголемува ризикот од срцеви проблеми, многу повеќе од останатите ризични фактори како брзата храна, слабата физичка активност или постојаниот стрес.

Собранието вчера не го прифати предлогот да се расправа за загадувањето, а претседателот Тарајко Вељановски предложи за оваа точка да дискутираат откако ќе се добие мислење од Владата, која загадувањето на воздухот го стави на дневен ред на денешната седница.