Уште еден светски лидер нема да присуствува на Зимските олимписки игри, што ќе почнат на 7 февруари во Сочи, Русија.
Францускиот претседател Франсоа Оланд нема да се присуствува на Сочи Игрите, објави францускиот министер за надворешни работи Лоран Фабиус во неделата, јавува Си-Ен-Ен.
Помалку од една недела откако германскиот претседател Јоахим Гаук избра да ги бојкотира Олимписките игри, Фабиус беше запрашан за плановите на Оланд за Игрите, кој потврди дека нема да присуствува висок француски претставник .
Исто како германските официјални лица, Фабиус одби да ја објасни одлуката.
Осумдесет кралеви, кралици, претседатели и други светски водачи присуствуваа на церемонијата на отворањето на Летните олимписки игри во Лондон 2012 година, според британскиот весник Гардијан.
Земјата домаќин Русија доби критики за наводните кршења на човековите права, малтретирање на опозиционите политички фигури и за законот усвоен претходно оваа година за забрана на “геј пропагандата”, за кој критичарите рекоа дека промовира дискриминација.