Предупредувачкиот протест ќе трае денеска и утре од 10 до 12 часот.
Вработените во Агенцијата за катастар, ФЗО, Фонд на ПИОМ, локалната самоуправи, министерствата, судовите, правосудните органи, обвинителствата, но и други јавни институции го почнаа најавениот двочасовен протест. Претседателот на УПОЗ, Трпе Деаноски од пред Агенцијата за катастар алармираше дека голем број вработени во во државните институции ниту овој емсец не добиле зголемување на минимлната плата согласно Законот.
„Не бараме многу. Линеарно зголемување на платите од 2806 денари, исплата на минимална плата по закон, а потоа корекција на сите други што треба да добијат плата над минималната“, рече Деаноски.
Деаноски вели дека вработените во управата со години немаат добиено никакво зголемување на платите.
„Со години, овие луѓе зад мене немаат добиено никакво покачување на платите. Помлад соработник во 2012 година има плата од 20.000 денари, а во 2022 година има плата од 22.000 денари. Зголемување од 9,8 проценти. Овие вработени се незадоволни“, вели Деаноски.
Тој обвини за притисоци во одредени јавни институции.
„Имавме притисоци во одредени синдикални организации, таму каде што имаше притисоци колегите се внатре во сали, организирани, не им е дозволено да бидат надвор, меѓутоа има прекин на работеб процес“, додава тој.
(Б.Б.)