Бранко Тричковски
Некои стручњаци велат дека судирите на генетичките интереси се составен дел на општествените животни и дека поради тоа не држат во состојба на непрекината трагедија. Стивен Пинкер ги наведува следниве елементи на кои го темели својот скептицизам дека човечката природа може радикално да се промени дури и во некоја далечна иднина.
Во сите точки лесно ќе ја препознаете Македонија.
- Приматот на фамилијарните врски во сите човечки општества и неговите последици: непотизмот и наследството.
- Ограничената распространетост на делењето во заедницата во човечките групи, вообичаената етика на реципроцитетот и појавите што се резултат на тоа, како што се забошотувањето во групата и пропаста на придонесите кон јавното добро кога реципроцитетот не може да се спроведе во дело.
- Универзалноста на доминацијата и насилството во сите човечки општества и постоењето на генетички и невролошки механизми на кои се базираат.
- Универзалноста на етноцентризмот и другите форми на непријателство меѓу групите ви сите човечки општества и леснотијата со која таквото насилство може да се предизвика кај припадниците на нашето општество.
- Делумната наследност на интелигенцијата, совесноста и асоцијалните склоности што наведува на заклучок дека одреден степен на нееднаквост ќе се јави и во совршено економски праведни системи и затоа сме соочени со иманентна напнатост помеѓу еднаквоста и слободата.
- Претежност на механизмот на одбраната, на себичните склоности и редукција на когнитивната дисонанца со кои луѓето се залажуваат себе за сопствената самостојност, мудрост и интегритет.
- Предрасудите присутни во човековите чувства за морал, вклучувајки го и давањето на предност на роднините и пријателите, подложноста на менталитетот на табуите и склоноста кон бркање на моралноста со конформизмот, статусот, чистотата и убавината.
Од Фејсбук ѕидот на авторот