Поради украинската криза и драматичниот раст на цените на енергенсите, Германија се соочува со рекордна инфлација. Според податоците на Заводот за статистика, инфлацијата во март пораснала на 7,3 отсто и достигна рекордно ниво во последните 40 години.
Во февруари инфлацијата беше на ниво од 5,1 отсто. Економскиот институт Ифо прогнозира дека инфлацијата во тековната година ќе биде до 6,1 отсто, што би било највисока вредност од обединувањето на Германија во 1990 година.