Луѓето во повеќе од 30 градови денеска се солидаризираа и дадоа поддршка за новинарите на Ал Џезира кои се затворени во Египет.
Ал Џезира повика на Ден на глобална ајција, со што се бара итно ослободување на четирите новинари кои се наоѓаат во египетските затвори.
Денеска беа организирани настани во Сиднеј, Манила, Исламабад, Доха, Аман, Најроби, Анкара, Берлин, Лондон, Рио Де Жанеиро, Монтреал, Вашингтон и Сан Франциско.
– Ал Џезира се надева дека со ова движење ќе се скрене вниманието на светските медиуми и партнер кои ќе додадат притисок кон египетските власти за итно ослободување на Питер Грест, Мохамед Фахми, Бахер Мохамед и Абдула ал-Шами, потсетувајќи во еден глас дека новинарството не претставува зло, стои во соопштението на Ал Џезира.
Наградениот новинар, Питер Герст, шефот на бирото, Мохамед Фахми и продуцентот Бахер Мохамед се затворени на 29.декември, одведени од хотелот и обвинети за ширење лажни вести и припаѓање во „терористичка група“.
.jpg)
>>НОВА со поддршка за затворените новинари на Ал Џeзeира
Првото судско рочиште го имаа на 21.февруари со одлука да продолжи на 5.март. Абдула ал-Шами е затворен повеќе од шест месеци без обвинение, а штрајкува со глад од 23.јануари.
Во кампањата #FreeAJstaff, редакцијата на НОВА се вклучи на петти месецов, со порака да се ослободат четворицата медиумски работници.