Најголемата мистерија во водзухопловството денеска одбележува една година. Малезијците утрово одржаа молитви за исчезнатите 239 патници и членови на екипажот од летот МН370 на авионот од типот „Boeing 777-200“ на компанијата „Malaysia Airlines“ (MAS),
До денеска, поради многу малиот број докази, и ниеден официјален материјал кружат најразлични теории на заговор за летот кој се обраќаше од Куала Лумпур за Пекинг.
Иако неодамна властите соопштија дека исчезнатите од летот на малезискиот авион се претпоставува дека се загинати, истрагата и понатаму не запира. Се работи за најскапата истрага во светската историја.
>> 2014 – ужасна година за „Малезија Ерлајнс“
Авионот на „Malaysia Airlines“ со 227 патници и 12 членови на екипажот, кој заедно со кинеската воздухопловна компанија „China Southern Airlines“ го изведуваше летот од малезиската престолнина Куала Лумпур за Пекинг, исчезна од радарите еден час по полетувањето, во 2.40 часот по локално време на 8-ми март 2014 година, без сигнал за проблеми во кабината, за технички проблеми или за промена на рутата на летот.
Истрагата за судбината на МН370 го води независно тело предводено од Малезија, како земја во која е регистриран операторот, и во неа се вклучени уште седум земји, Кина, САД, Велика Британија, Австралија, Франција, Сингапур и Индонезија. Подрагата на подморјето во јужниот дел од Индискиот Океан покрај австралискиот брег досега покрила 40 отсто од предвидените 60.000 квадратни килоемтри.
– Малезија ја продолжува потрагата, надевајќи се дека евентуални рушевини од авионот ќе бидат пронајдени. Болката на членовите на семејствата чии најмили се наоѓале во авионот не може да се опише со зборови. Тоа уште потешко може да се поднесе, бидејќи изостануваат одговори на многу прашања, како и конечниот конкретен доказ, изјави малезискиот премиер Наџиб Разак во соопштение објавено во неделата по повод годишнина од несреќата.
За малезиската авијација, 2014 дефинитивно беше ужасна година, а авионите на Малезија „учествуваа“ во трите најтрагични авионски катастрофи минатата година.