Полицијата по координација со Канцеларијата за истраги на американската амбасада и Интерпол и по повеќе од една година истрага и документирање, спроведува голема акција во која до сега уапсени се десетина полициски службеници кои се сомничат дека биле дел од ланец за фалсификување на патни исправи и лични документи
Информацијата ја потврдуваат од МВР од каде велат дека акцијата се уште е во тек, а детали најавуваат по нејзино завршување.
Извори од истрагата велат дека вчерашниот брифинг од политичка партија бил во насока да се саботира оваа меѓународна акција.
Инаку, ВМРО-ДПМНЕ излезе со соопштение во кое наведе дека премиерот Зоран Заев и министерот за внатешни работи Оливер Спасовски овозможиле балкански нарко – босови да се стекнат со македонски пасоши и документи.
Според опозициската партија полициската апаратура издала патни исправи со лажен идентитет во таканаречената афера „Мафија“ за водачот на озлогласениот Шкаљарски клан за трговија со дрога, Јован Вукотиќ и водачот на турската мафија Седат Пекер.