Автор: Јуриј Гончарук, Амбасадорот на Украина во Република Македонија
На 17 јули, во небото над Донбас се случи страшна трагедија: како последица на примена на зенитна ракета беше соборен патнички авион Боинг-777. Загинаа 300 луѓе.
Светот се стресе и се замисли. Светот чека објаснувања. Тоа, што се случи не е случајност.
За жал, тоа е безмилосната логика на дејствијата на терористите и нивните покровители кои ја претворија Источна Украина во арена на жестока борба во име на некои непознати идеали.
Ние имаме непобитни докази за извршување на ова злосторство од нивна страна, но од тоа не е полесно.
Украина повеќе пати го привлекуваше вниманието на светската заедница за непопустливоста од одолговлекувањето на примената на ефективните средства за решавање на ситуацијата која што се создаде во источните региони, но секој пат се наоѓаа некои аргументи и размислувања далечни од разбирањето на несреќата, која доаѓа.
-Денешната трагедија, за жал, уште еднаш покажа дека тероризмот не е локален, туку е светски проблем. А надворешната агресија против Украина – не е само наш проблем, тоа е опасност за европската и глобалната безбедност. Нејзиното совладување има потреба од заеднички напори, – рече во своето обраќање вчера Претседателот на Украина, Петро Порошенко по повод трагедијата со авионот на авиокомпанијата „Малезиja еарлајнс“.