Претседателката на Северна Македонија Гордана Сиљановска Давкова денеска ќе биде во посета на Бугарија каде ќе присуствува на операта „Набуко“ од Џуепе Верди во изведба на македонската Национална опера и балет, а во рамките на одбележувањето на 8-ми септември Денот на независноиста на македонската држава што го организира македонската амбасада во Софија.
Во рамки на посетата, најавено е, Сиљановска Давкова во Софија ќе оствари средба и со претседателот на Бугарија, Румен Радев.
Во македонската државна делегација ќе биде министерот за надворешни работи и надворешна трговија Тимчо Муцунски и министерот за култура и туризам Зоран Љутков.