Годинава Скопје е град домаќин на Меѓународната трибината за заштита, помош и поддршка на жртвите од семејно и родово базирано насилство. Настанот ќе се одржи на 22ри Февруари во Сала за седници на град Скопје со почеток во 17.00 часот.
Настанот се организира во соработка на Здружението „Диверзиум“ од Скопје и Здружението „Хајр“ од Белград со седиште во Сараево.
Гости на трибината се и официјални претставници од Владата на Република Србија.
Во делот на говорителите на трибината, значаен дел од нив се стручни лица од областа на социјалната заштита, новинари и активисти за човекови права.
Идејата за реализирање на ваква меѓународна трибина доаѓа од потребата да се интензивира соработката помеѓу граѓанските здруженија, стручните лица и претставниците на надлежните институции во насока на размена на искуства, практики и знаења за помош и поддршка на жртвите на родово базирано и семејно насилство.
-Овој настан ќе даде увид во степенот на соработка кој постои помеѓу релевантните чинители по прашањето на заштита од семејно и родово базирано насилство. Овој општествен проблем не може да се третира изолирано, само од еден сегмен на општествени чинители, туку системски и со интензивна соработка. Затоа се собираме сите заеднички на едно место, отворени за споделување на идеи и со желба да им помогнеме на жртвите на семејно и родово базирано насилство бидејќи статистиките за тоа колку се реалните жртви на насилство (и мажи и жени) се загрижувачки, вели организаторката на настанот Магдалена Стојмановиќ.
Настанот е организиран на волонтерска база, благодарение на партнерите на проектот и главниот покровител – град Скопје. Сепак организаторите најавија дека Скопје ќе стане престолнина на вакви меѓународни настани и трибини секоја година на ист датум, така што оваа манифестација ќе се претвори во традиција