Со професорот на Архитектонскиот факултет, Мирослав Грчев, говориме за градбите во скопски Центар и за состојбите во градежништвото.
Повод за разговорот се последните статистички податоци, кои говорат дека вредноста на државните и деловните градби во Општина Центар е речиси колку вредноста на градбите во остатокот од земјата. Повод е, исто така, и новиот податок за растот на бруто домашниот производ, каде што градежништвото покажува раст од 36,8 отсто.
Грчев, како критичар на проектот Скопје 2014 и критичар на актуелната власт, вели дека целото градење во центарот на главниот град се врши по наредба од една соба, како и дека целиот проект претставува една голема пералница на пари.