Грција денес го плати долгот за април кон Меѓународниот монетарен фонд иако до последен момент имапе сомненија дека оваа земја ќе успее да ја врати ратата од 459 милиони евра.
Мајската рата изнесува 760 милиони евра за ММФ со 320 милиони како камата.
Исплата е направена додека премиер Алексис Ципрас е на вториот ден на посетата на Москва. Тој вчера се сретна со претседателот Владимир Путин а денес со премиерот Димитри Медведев.
Иако се очекуваше дека Грција ќе побара финансиска помош од Русија, тоа не се случи. По средбата на Ципрас и Путин беше кажано само дека двете земји ќе ја засилат економската соработка.
Во таа соработка се споменува учеството на Грција во проектот на гасоводот Турски тек помеѓу Русија и Турција а Грција би требало да биде базата од која ќе се испраќа гасот во земјите на југот и југо-истокот на Европа.
Овој проект не и е по вкус на ЕУ но Грција одлучи да издвои дел од својата територија за овој гасовод кој нема да поминува низ Украина. Според Путин “Грција ќе добие стотици милиони евра за транзит на гасот”. Ципрас изјави дека “Грција сака да го проучи иницијативите за инвестиции за изградба на грчки гасовод на грчко-турската граница на грчка територија”.
Договорено беше исто така да се креираат заеднички грчко-руски фирми преку кои ќе се заобиколи ембаргото за увоз кое Русија го воведе за земјоделските производи од Европа и кое е одговор на санкциите кои ЕУ го воведе за Русија по анексијата на Крим. Со ова руско ембарго за забрана на увоз на земјоделски производи од Европа, најпогодената земја е токму Грција. Околу 40 отсто грчкиот извоз кон Русија се земјоделските производи.
«Грција е суверена земја», рече Ципрас и додаде дека таа има право да ги брани своите интереси и да се извлече од кризата. Според Ципрас, тој и Путин донесоа «пролет во грчко-руските односи».
Но најголемиот број европски медиуми денес коментираат дека со оваа средба, во салоните на Кремљ, е нарушено единството на ЕУ.