Рамуш Харадинај, претседателот на Алијансата за иднината на Косово изјави дека косовскиот премиер Албин Курти не само што му наштетил на Косово, туку придонел за поделба на Албанците во соседството оценувајќи дека бил „регрутиран“ од Србија за да го ослабне влијанието на албанската заедница во регионот.
Тој ги ускратува стратешките победи на Косово. Гледате дека не сме блиску до НАТО. Поминаа четири години и немаме нови признанија, не го зајакнавме меѓународниот статус, но осудени сме да трпиме санкции од ЕУ наместо Србија по нападот во Бањска, изјави Харадинај за „Економија онлајн“.
Тој забележува дека Курти го поделил и ослабнал влијанието на Албанците во сите држави во регионот, а застанал и против, како што вели, ослободителната македонска армија и нејзиниот водач Али Ахмети.
Харадинај ја опиша владата на Курти како „најголемата штета што му е направена на Косово“, посочувајќи дека меѓународните партнери ја изгубиле довербата во него и одамна требало да поднесе оставка.