Италијанската група на жртви на сексуална злоупотреба „Рете л’Абусо“ (Rete l’Abuso) објави извештај во кој се тврди дека од 2020 година речиси 4.500 луѓе биле сексуално злоупотребени од католичките свештеници.
Во извештајот се наведуваат изјави на жртвите, судски документи и медиумски извештаи.
„Рете л’Абусо“ наведува дека поголемиот број од жртвите се помлади од 18 години односно 4.451 жртва била малолетна. Додека 4.108 жртви биле мажи, пет монахињи, 156 ранливи лица и 11 луѓе со инвалидитет.
Во извештајот се истакнува и дека 1.106 лица биле злоупотребени од свештениците, а другите биле сексуално малтретирани од монахињите, волонтерите, учителите по веронаука и членови на извиднички групи.
Италијанската епископска конференција (ЦЕИ) минатата недела беше критикувана од Ватиканската комисија за заштита на децата за нејзиниот несоодветен одговор на сексуалните злоупотреби.
Од 1.106 осомничени свештеници, само 76 биле подложени на црковни судења. Некои биле преместени во други парохии, додека 18 свештеници биле отпуштени или поднеле оставка. Исто така, пет свештеници извршиле самоубиство за време на истрагите.
Папата Лав Четиринаесетти во неодамнешното обраќање до епископите истакна дека не смеат да ги прикриваат обвинувањата за сексуална злоупотреба.