Русија попладнево го прошири списокот со лица на кои им е забранет влез во земјата, како одговор на санкциите воведени од Западот.
На „црната листа“ на Кремљ и потпретседателката на САД, Камала Харис, основачот на „Фејсбук“ Марк Цукерберг и портпаролот на Пентагон, Џон Кирби.
На ажурираната листа се додадени вкупно 29 американски функционери и новинари.
„На овие лица им е забранет влезот во Руската Федерација на неодредено време”, соопшти руското Министерство за надворешни работи.
Забрана за влез во Русија во минатиот месец беше изречена и за американскиот претседател Џо Бајден.
Бајден ја нема посетено Русија од 2011 година, кога беше потпретседател на Барак Обама. Неговото патување во Москва вклучуваше разговори со рускиот претседател Владимир Путин.
Во март, забрани за влез во Русија беа изречени и за државниот секретар, Ентони Блинкен, шефот на ЦИА, Вилијам Барнс, секретарот за одбрана, Лојд Остин и советникот за национална безбедност, Џејк Саливан.