Градоначалникот на Харков, Игор Терехов денеска за „Би-Би-Си“ изјави дека е убеден оти украинските сили ќе успеат да го одбранат градот.
„Најмалку три лица загинаа, а 16 се ранети во денешното гранатирање на вториот по големина град во Украина“, изјави регионалниот гувернер.
„Верувам дека ќе го одбраниме Харков. Нема да му дадеме шанса на рускиот агресор да го преземе, тоа е многу важно за нас“, изјави градоначалникот Терехов.
Тој додаде дека руската офанзива се изведува и напредува од север.
„Колку што знам, таму се водат жестоки битки и украинските сили успешно го одбиваат непријателот“, рече градоначалникот на Харков, Игор Терехов.