“Можеби не сум најмладиот кандидат на овие претседателски избори но ќе бидам најмладата претседателка на САД. И првата баба”, вака, со насмевка и ироничен хумор Хилари Клинтон, која има 67 години, одговори на прашањето за нејзините години кое и беше поставено на митинг во Њујорк.
Клинот во Њујорк се претстави како “шампион” на средната класа и вети серија економски, социјални и политички реформи во таа насока.
“Јас сум кандидатка која смета дека економијата мора да биде во служба на сите вас и на секој Американец”, рече таа пред толпата луѓе помеѓу кои имаше работници, болничарки, земјоделци, поранешни војни лица.
“Просперитетот не може да се однесува само на директорите на големите фирми и газдите на инвестициските фондови. Демократијата не може да се однесува само на милијардерите”, рече таа критикувајќи го Волстрит и тврдејќи дека првите 25 директори на инвестициските фондови заработуваат повеќе од сите учители на градинки во цела Америка.
Ова беше првиот голем настап на Клинтон два месеци откако таа ја најави својата кандидатура за претседателка на САД. Симболично таа избра да настапи мна островот Франклин Рузвелт, поранешниот демократски претседател.
Клинот најави дека наскоро ќе ги обелодени своите мерки и предлози но во Њујорк даде неколку елементи од нив како даночна реформа за инвестирање во САД, помош за претприемачите и оние кои отвораат фирми, зголемување на буџетот за истражување и ветување дека САД ќе станат “суперсилата во чистата енергија на 21 век”.
Клинтон го раскажа тешкото детство на нејзината мајка и голем дел од својот говор посвети на првата на жените и децата со предлог да се генерализира запишувањето во претшколската возраст.