Ракот на грлото на матката е четвртиот најчест карцином кај жените ширум светот, убивајќи повеќе од 300.000 секоја година. Речиси девет од 10 смртни случаи се во земјите со низок и среден приход каде што има мал пристап до скрининг за рак на грлото на матката. Се надеваме дека вакцинацијата ќе има уште поголемо влијание во тие земји отколку побогатите нации како што е Велика Британија, се заклучува во веста објавена од „Cancer Research UK“.
Вакцината за хуманиот папиломавирус или ХПВ ги намалува случаите на рак на грлото на матката за речиси 90%, покажуваат првите светски податоци за делувањето на оваа вакцина.„Cancer Research UK“ ги опишаа наодите како „историски“ и рекоа дека покажуваат дека вакцината спасува животи, јавува BBC.
-Речиси сите видови на рак на грлото на матката се предизвикани од вируси, а се надеваме дека вакцинацијата речиси може да ја елиминира болеста, се наведува во објавата.
Истражувачите рекоа дека успехот е во тоа што на оние кои биле вакцинирани можеби ќе им требаат многу помалку тестови при проверка на грлото на матката.
Ракот на грлото на матката е четвртиот најчест карцином кај жените ширум светот, убивајќи повеќе од 300.000 секоја година. Речиси девет од 10 смртни случаи се во земјите со низок и среден приход каде што има мал пристап до скрининг за рак на грлото на матката. Се надеваме дека вакцинацијата ќе има уште поголемо влијание во тие земји отколку кај побогатите нации како што е Велика Британија, се заклучува во веста објавена од „Cancer Research UK“,пренесува BBC.