На собранискиот пленум воведно излагање и елаборација на предлогот на владиниот состав и на програмските содржини се обрати мандаторот Мицкоски, опонираа координаторите на опозицијата Оливер Спасовски од СДСМ и Димитар Апасиев од Левица.
Поенти
Христијан Мицкоски:
- Народот очекува резултати, неморал и потфрлања нема да толерирам;
- Враќање на довербата во институциите, елиминирање на корупцијата и криминалот;
- Веќе во вторник нова инвестиција од повеќе од 400 милиони евра;
- Ннамалување на даноците и зголемување на пензиите и платите;
- Борба против корупцијата и криминалот;
- Градење на добри односи со нашите соседи и негување на меѓуетничките односи;
- Од секого ќе барам да даде максимум и брзи резултати;
- Економското заживување, економски раст со поттик од стабилни јавни финансии;
- Поддршка за конкурентен приватен сектор и значајни инвестиции во иновациите и во информатичката технологија;
- Раст на БДП до 5 проценти годишно.
Оливер Спасовски:
- рограмата на новата влада е далеку од дадените ветувања
- Изборите ги добивте на манипулативен начин бидеќи во владината програма нема ниту збор за меѓународнуте договори;
- За Договорот со Бугаријта нема ниту детално разработен план како ќе ја промените Преговарачката рамка за која рековте дека нема да ја прифатите и дека ќе одите на нејзина промена;
- Овие денови се гледа и промената на личниот став во однос на Преспанскиот договор, дека нема да го користите уставното име, ниту придавката, денеска најавивте дека тоа ќе го направите и ако е тоа новиот концепт, тоа е чесно и фер пред граѓаните да биде кажано, и како мандатар на Владата денеска говорите дека ќе го почитувате уставното име и Преспанскиот договор;
- Немате ниту конкретни рокови и за наведените проекти во Програмата, нема финансиска конструкција како тие ќе се реализираат, ниту за задолжувањето од една милијарда.
Димитар Апасиев:
- Секогаш кога ВМРО-ДПМНЕ се на власт имаат најголеми влади. Гломазна влада, африканска влада со многу министри;
- Требало да пишете Република Северна Македонија оти го издупи.те народот;
- По образование осум економисти, шест правници, три политиколози, два лекара, два инжинера, еден спортист, еден историчар и еден глумец. Јас би рекол сите сте глумци во владата. Имате еден етнички Србин, шест Албанци и 16 северномакедонци. Преспанскиот за вас е реалност, а Преспанскиоит не признава Македонци. Има и еден косовски шпион во владата и веднаш ќе му реферира на Курти кога ќе држите седници, рече пратеникот од опозицијата.
- Новата влада плагијатор на програмата зашто во неа има само десетина добри работи и сите тие се препишани од Левица која овие програмски цели ги има кај себе во континуитет од 2020 година.
Денеска и утре се одвива интензивна пратеничка дебата со излагања, реплики и контра реплики, а гласањето за новата влада, согласно собранискиот деловник, е закажано за утре, недела, пред полноќ.