Германскиот деловен сектор има итна потреба од пофлексибилна иселеничка политика за ублажување на критичниот недостиг на работна сила, во спротивно ќе следува значително намалување на економската активност, предупреди Рајнер Дулгер, претседателот на германскиот сојуз на работодавачи, во изјава за агенцијата ДПА.
„Недостигот на квалификувани работници е толку заканувачки, што веројатно ќе мора да го прифатиме економскиот просперитет во наредните 10 години“, вели Дулгер.
Проценките се дека Германија има потреба од најмалку 500.000 нови квалификувани работници годишно за да може да продолжи да функционира како најголема и најсилна европска индустрија.
Се предвидува дека германската работна сила ќе достигне врв до 2025 година, но потоа ќе се соочи со сè поголем број на лица од бејбибум генерацијата кои ќе заминуваат во пензија.
„Моментно имаме рекордни 45 милиони вработени во германската економија. Од нив во наредните 10 години ќе загубиме пет милиони лица кои ќе заминат во заслужена пензија“, укажува Дулгер.
Вистински начин за амортизирање на процесот, според него, е брза и едноставна можност за вселување на работници со бараните вештини. Дулгер смета дека процесот би требало да се води преку интернет и да се укинат долгите чекања за виза.
Се предлага една агенција да биде одговорна за сите заинтересирани за пријавување од целиот и таа агенција да ги информира што се треба и кои документи треба да ги предадат.