– Со задоволство ја прифатив поканата за констенијадата. Затоа што ги почитувам традициите на нашиот народ. Ги почитувам оние луѓе кои си ги знаат обичаите. Знаат кој е нашиот идентитет и нашата посебност. Бев и пред еден месец, да дадам отчет за тоа што го работев изминативе пет години. Бев и пред месец дена да дадам отчет за се што сработив. Затоа што пред пет години, кога ја добив Вашата доверба, ја добив за програмата. И затоа во отчетот кажав дека сè што беше во програмата è остварено и повеќе од тоа – рече кандидатот на ВМРО-ДПМНЕ Ѓорѓе Иванов на денешниот митинг во Македонски брод.
Тој побара втор мандат пред граѓаните со чист образ, затоа што, како што рече, „не ме промени политиката, останав истиот“.
– Со нова програма, за нова доверба од вас. Програма која има реални обврски да ја развиваме Македонија, да продолжиме да работиме во интерес на граѓаните на Македонија. Ние никогаш не сме кажале празни зборови, лажни ветувања. Сè што сме кажале, сè сме оствариле. И јас го правам тоа и премиерот, и министрите и градоначалниците, и резултатите се гледаат – истакна кандидатот на владејачката партија пред жителите на Македонски Брод.
Во својот говор Иванов посочи дека Македонија се сака со дела и со конкретни резултати, со посвета на иднината, со успесите во спортот, музиката, културата.
– Македонија се сака кога сте посветени на иднината на Македонија. Но, тука не застануваме. Ја бараме Вашата доверба да продолжиме со успехот. Да продолжиме со успесите во Македонија кои ги гледаме и во спортот, и во културата, и во музиката и во образованието, и во науката на секој план. И навистина сме горди кога победуваат нашите спортисти. Навистина сме горди кога гледаме како не претставуваат нашите пејачи, нашите актери. Горди сме кога слушаме како луѓе од Македонија успеваат во меѓународни институции. Така се гради Македонија. Успехот на секој од нас, е успех за Македонија. Затоа што сите сме Македонија, рече кандидатот за претседател Ѓорѓе Иванов во Македонски брод.
Фотографиите се во сопственост на ВМРО-ДПМНЕ