Напнатиот однос помеѓу хрватскиот претседателот Зоран Милановиќ и премиерот Андреј Пленковиќ не стивнува. Вчерашниот коментар на Пленковиќ дека изјавата на Милановиќ за бугарскиот конфликт со Северна Македонија предизвикал напади врз бугарски државјани во Хрватска, го испровоцира хрватскиот претседател:
„Хрватскиот премиер шета и треска како последна баба на плоштадот, треска за некакви на Бугарите во Хрватска, претпоставувам … За што ли зборуваше?“, рече Милановиќ.
„Тој подбуцнувач и измамник одговорен за извештајот што дошол до Министерството за надворешни и европски работи, за извештајот што до службите на Владата дошол од бугарската амбасада за напади врз тројца, мислев дека се работи за двајца, но за тројца бугарски државјани . Зошто? Затоа што тој зборуваше нешто на ридот кај Крањ, рече премиерот Пленковиќ.
Да се нарече некој подбуцнувач е сериозно обвинување, објасни Милановиќ.
„По што сум јас подбуцнувач? Поради тоа што предупредив дека политката на една држава, за која Хрватите во принцип не се заинтересирани, кон друга држава која ни е пријателска, е некоректна и долгороќно штетна, дека е тоа изживување кон послабиот“, објасни Милановиќ.
„Па, немаше напад врз Бугарите пред таа изјава, ниту пак амбасадорот дојде да го пријави, бидејќи се случи ненадејно“, му одговори Пленковиќ.
Нападите и острата реторика не се изоставени во кампањата пред вториот круг на локалните избори во Хрватска.
„Нема да почнувам од тоа дека добивав закани, тоа е неодговорно однесување. Па, гледаш дека тој не е Хрват, тој работи за Сорос, Сорос е Евреин, добар е со Србите, тоа се тие гнасни работи кои им се сервираат на луѓето“, рече Милановиќ.
И двајцата се согласуваат дека заканите и навредите се неприфатливи, но Пленковиќ тврди дека Милановиќ континуирано користи таков дијалог.
„Ги нападна лидерите на невладините здруженија кои се занимаваат со женските права, ги нападна лидерите на српското малцинство на СДС во Хрватска на начин кој е полош од она што ние сега го слушаме. Разбирате?“, рече Пленковиќ.
А, се чини дека разбирање во дијалогот помеѓу претседателот и премиерот и натаму недостасува.