Фактот што дури 14% од републиканците рекле дека Харис била подобра на дебатата и над 50% неопределени (само 17% неопределни рекле Трамп), кажува дека таа успеала да ја рашири својата потенцијална база на бирачи. Навлегла во двете клучни целни групи, неопределни и републиканци кои можеби се предомислуваат.
Никола Спасов
Но, она што е важно во овие податоци, не е кој победил, туку дали успеал да ги подобри позициите кај клучните целни групи или да смени одредена негативна перцепција кај општата јавност.
Издвоив три важни анализи во овој контекст. Податоците подолу одат во прилог на тврдењето дека Харис не само што победила во дебатата, туку направила промена во изборното однесување и го зголемила базенот на потенцијални гласачи.
Во првиот графикон се одговорите на испитаниците пред и после дебатата на прашањето: „Кој од кандидатите подобро ги разбира проблемите на обичните граѓаните во Америка?“.
Пред дебатата, 39% Харис, 43% Трамп, по дебатата 44% Харис и 40% Трамп. Сумарно, Харис за 8% ја подобрила позицијата по ова прашање, далеку над статистичка грешка.
Ова прашање, кое инаку се користи како „прокси прашање“ за мерење рејтинзи, покажува дека Харис успеала со дебатата значително да се приближи до американскиот народ, да ги истакне своите компетенции но и разбирање за проблемите. Во целина овој сентимент е многу значање и е силен драјвер за гласање. По ова и нејзините политики ќе бидат подобро прифатени и слушнати.
Вториот графикон се одговорите на прашањето „Кој победи на дебатата?“ Како што кажав, за мене не толку значајно прашање, но еден аспект тука не треба да се занемари. Во политичките истражувања кои се коирстат за евалуација на потенцијални кандидати за избори, јас секогаш гледам кој од кандидатите поминува најдобро кај гласачите на спротивниот табор. Ако тие имаат донекаде позитивно мислење за некој кој е од друга партија, тоа значи дека тој има потенцијал да пенетрира и во тоа гласачко тело, односно има потенцијал за раст. И тоа е најдобар начин за селекција на кандидати.
Во тој контекст, фактот што дури 14% од републиканците рекле дека Харис била подобра на дебатата и над 50% неопределени (само 17% неопределни рекле Трамп), кажува дека таа успеала да ја рашири својата потенцијална база на бирачи. Навлегла во двете клучни целни групи, неопределни и републиканци кои можеби се предомислуваат.
И третиот графикон е од анкетата на Ипсос / Ројтерс и се однесува само на неопределените регистрирани гласачи. Тука Харис ја покачува својата предност од +4% пред дебатат на +8% после дебатата. Ова е во линија со претходниот наод и директна потврда дека допрела до оние кои најмногу му требаат на секој кандидат, неопределените.
Од Фејзбук ѕидот на авторот