Шест скулптури од Хенри Мур, великанот на светската скулптура ќе бидат изложени заедно со 80 други дела во Музејот на современата уметност.
Изложбата на дела на главниот претставник на апстрактниот правец во вајарството ќе биде отворена на 18 април и ќе трае до 31 мај, пишува Дневник.
Изложбата е резултат на соработката на Британскиот совет и Музејот на современа уметност.
Директорката на МСУ, Елиза Шулевска објаснува дека и’ се допаднала една скулптура на Мур, кога била в посета на Лондон и така дошла до идеја за оваа изложба
– Приказната и напорите да се донесе Мур во Скопје почнаа минатата година во мај, кога во Лондон, во предворјето на музејот Тејт Британ, здив ми одзеде една скулптура. Знаев дека е тоа дело на големиот склуптор и тогаш посакав да можам тие да ги види домашната јавност. Во МСУ работевме тивко и ненаметливо и во договор со директорката на Британскиот совет во Македонија, Елеонора Запрова и еве го резултатот до кај стасавме – Хенри Мур во Музејот на современата уметност. Големите работи не сакаат помпезности, туку мир, ред и дисциплина – раскажува за Дневник Шулевска