Портпаролот на војската, Даниел Хагари, изјавил дека ја следат заканата во нивниот воздушен простор и додал дека ќе бидат потребни неколку часа таа, заканата, да пристиг во Израел, притоа, секако, мислејќи на иранските дронови.
ГПС нема да биде достапен во одредени области како дел од подготовките, рече Хагари, јавуваат американски медиуми.
Доколку откриеме конкретни закани кои имаат пократко време на пристигнување, веднаш ќе ве ажурираме,изјавил Хагари и додал:
Бараме од вас да бидете внимателни и да ги следите упатствата на командата на Домашниот фронт. Ги разбираме овие закани и сме се справиле со нив во минатото.
Аналитичарот за политички и глобални прашања на Си-Ен-Ен, Барак Равид, исто така рече дека Иран го извршил нападот користејќи десетици беспилотни летала, цитирајќи четворица американски и израелски официјални лица.