Медиумската индустрија, која останува примарен извор на вести и информации во дигиталната ера, се соочува со големи предизвици, соопштуваат од американската Агенција за култура во понеделникот, во нивната анализа за новите трендови во слободата во медиумите, плурализмот, независноста и безбедноста на новинарите.
– Покривајќи го периодот од 2012 до 2017, оваа студија не само што ги мапира растечките глобални трендови, туку и повикува на акција за совладување на нови предизвици – заклучува Ирина Бокова, директорка на УНЕСКО, во предговорот на извештајот насловен „Светски трендови во слобода на изразување и развој на медиуми“.
– Ова овозможува уникатна референтна точка за земјите членки, меѓувладините организации, граѓанските огранизации, академијата, новинарите и медиумските професионалци, и оние кои посакуваат да ги разберат основите на слободата на медиумите во светот кој се менува – додава таа.
Извештајот ги подвлекува позитивните напредоци, како цивилното општество што притиска за поголем пристап до информации, медиумските куќи со проверка на фактите наспроти дезинформациите, и многу многу повеќе влади кои прифаќаат закони за слобода на информации.
Во дигиталната ера, извештајот вели дека жените новинари можат да бидат присутни онлајн, ослободени од редакциските хиерархии, и граѓанските новинари и активисти имаат пристап до средствата за масовна комуникација за која претходно не можеа да замислат.
Како и да е, извештајот предупредува дека „низ светот, новинарството е запалено“, мислејќи на лажните вести кои ја прикриваат вистината и пласираат лажни информации, како и алгоритмите на социјалните медиуми кои создаваат „ехо соби“ и претерана политичка поларизација. Владите го исклучија интернетот, забележително пред изборите. Новинарите се под напади од широк ранг, соочувајќи се со растечко насилство.
– Влоговите се дури поголеми за граѓаните низ светот, жени и мажи кои сметаат на професионалното новинарство за насочување на развојот и трансформацијата на нивните општество – вели Бокова.
Клучните откритија беа презентирани од Гај Бергер, директор на одделот на УНЕСКО за слобода на изразување и развој на медиуми, на настан одржан заедно со комуникациската и информациска комисија на генералната конференција на УНЕСКО во Париз.