Бранко Тричковски
Не сум сигурен дека приватноста и официјалноста на претседателката на Нашата земја можат да се третираат во филозофијата јин и јанг, но ако решиме да бидеме помалку строги и да се согласиме дека може, јас сакам да и порачам дека во димензијата јанг може да битисува само во своето ве-це и во спалната соба под услов да не биде многу гласна. Да, и под тушот ако додека се трие со крпата “луј вутон” од марихуански стебла, во дневната соба ја пушти на најако снимката од говорот на Зоран Заев на темата за името и промените. Комплетно во јанг може да влезе ако си даде оставка. Тогаш може на симнување од Водно да се качи на маса во првата кафеана и да пее “Македонијооооо ти си бисер Балканскииии” колку сака.
Оти, ние во подножјето на планината немаме проблеми со името на државата.
Освен во терористичката пропаганда на вмро.
Никакви промени нема откако на државата и е додадена додавката Северна.
Јас пишувам Македонија, кога сакам да ги заебавам патриотите пишувам Нордот, а кога сакам да сум официјален, пишувам Северна Македонија.
Спортските коментатори на Арена, на Спорт клуб и на другите канали кажуваат Македонија, македонски, Македонците дале гол, победиле или незаслужено се поразени итн, моите колеги од светот така разговараат со мене, нема ама баш никакви проблеми, никој никого не гони ако вика Македонија, а не е на некоја државна функција, а како што гледаме не ги гонат и оние што се на функција.
Збореле во приватно својство.
Вие сте избрани на програмата за нов устав кој ќе биде израз на поништувањето на сите предавнички договори и во кој јасно ќе се каже дека Македонија е држава на Македонците и на гостите кои Македонците ги примиле во својата држава како рамноправни граѓани (хахаха) и дека државата е само Македонија без какви било додавки. Нема ниту Република да ја заматува чиститата на светото име
Тоа беше легитимна понуда и легитимен избор и молам постапете така како што сте се залагале во кампањата.
Ако од кои било причини не можете да постапите така, кажете го тоа јавно и престанете да го камуфлирате своето измамништво или пллитички пораз со провикации и други заебанции на темата Македонија.
Ако вашата приватност предизвикува општи последици тогаш, таа по дефиниција не е приватност.
Дали се разбираме.
Влошувањето на меѓународната позиција на државата е влошување на животот на сите граѓани. Независно од тоа дали тоа влошување сте го направиле како јин или јанг.
Престанете да се лигавите.
Бесмислено и болесно.
(Фејзбук статус на авторот)