Ценрален културен настан во Франкфурт, деновиве, е ретроспективната изложба на Јоко Оно, жената која, без сомнение, освен што е една од иконите на поп културата на 20. век е и авторка чии што дела оставија длабока трага во современата уметност.
Јоко Оно направи неколку „Вог пози“ за фотографите на отворањето на
нејзината изложба во „Schirn Kunsthalle“ во Франкфурт, Германија, каде се претставува со ретроспектива на слектирани дела од нејзината 60-годишна уметничка кариера.
Таа е главно позната заради нејзината врска со Џон Ленон. Но, изложбата покажува дека вдовицата на Ленон, веќе беше изграден уметник и пред се сретне со славниот лидер на групата.
“Ќе наполнам 80 години и не можам да верувам. Си мислам дека тоа не е можно, бидејќи чувствувам дека не сум сторила доволно. Мислам доволно како за 80 – годишен човек “.
Родена во богато семејство во Токио, Оно ја започна својата кариера како уметник на „Fluxus“ движењето во 1950-тите. Одлучната авангардна уметница имал различни дела, вклучувајќи и инсталации, текстови, музика и филмски проекти и секогаш ги истражуваше крстопатите помеѓу уметноста и јазикот, музиката и филозофијата.
“Моето музичко образование започна уште кога имав три или четири години, мислам дека повеќето од работите што сум ги научила, на пример, песни и сите видови на вежби и вештини, сите доаѓаат од Германија” .
Оно се омажи со Џон Ленон во 1969 година и оттогаш нејзината уметничка дејност е во сенка на нејзиниот однос со Битлсот, потоа медиумите го проширија тврдењето дека таа била причина за распадот на групата.
“Изложбата ја покажува целокупната работа на Јоко Оно, која е, очигледно, една од најистакнатите фигури во културната историја на 20. век, но од друга страна е авангарден уметник, чија работа е крајно релевантна за следната генерација на уметници и која се развила во 60-тите и 70-тите години и која навистина ги истражи границите на концептуалната и перформативната уметност. “.
Изложбата од Франкфурт, Германија патува за Норвешка, Австрија и Шпанија. 80 – годишната Оно се уште е силна и не покажува знаци на забавување.