Северна Македонија треба што побрзо да стане членка на Европската Унија (ЕУ), но тоа ќе се случи откако ќе бидат решени правата на бугарската заедница во земјата, порача бугарската потпретседателка Илијана Јотова за време на денешната посета на Битола.
„Прво да се решат правата на Бугарите во Северна Македонија за земјата да стане дел од Европската Унија. Тоа е нашата позиција. Инаку се радувам што сум во Битола и сум дел од овој настан“, рече Јотова.
Идентична порака испрати и шефицата на бугарската дипломатија, Теодора Генчовска.
„Сите сили треба да бидат насочени кон решавање на правата на Бугарите во Северна Македонија, што впрочем е нашата основна цел“, истакна министерката за надворешни работи на Бугарија.