Во земјава има вкупно 2.041 активни случаи на ковид-19 од кои најголем дел во главниот град – 1.152. Во меѓувреме продолжува и карванот за промоција на вакцинацијата против коронавирусот во рамки на кој денеска се предвидени активности во Липково, а утре во Арачиново.
Во однос на статистиката на новозаболени, во текот на вчерашниот ден беа регистрирани нови 188 случаи, од 2.245 направени тестови. Вчера, според извештајот на Институтот за јавно здравје (ИЈЗ), починаа три лица, а оздравеа 119 пациенти.
Досега во земјата се направени вкупно 1.953.866 милиони тестирања за ковид-19.
Вкупната бројка на ковид-дијагностицирани лица во нашата земја од почетокот на епидемијата изнесува 305.066. Бројот на оздравени пациенти е 293.819, а на починати е 9.206.
Во меѓувреме, се чека Владата да одлучи за олабавување на мерките. На редовната седница во вторник се очекува да биде донесена и одлука во однос на препораката за неносење маски за учениците.