Кандидатот за претседател на Франција, Емануел Макрон на својот единствен предизборен митинг пред вториот круг на претседателските избори во Марсеј најави дека неговиот „иден премиер ќе биде директно одговорен за еколошкото планирање“, јави дописникот на МИА .
Тој не успеа да го исполни резервираниот простор за митингот на кои се собраа околу 2.000 до 3.000 луѓе, но не и 5.000 на колку се надеваше неговиот изборен тим. На трибината присуствуваа активисти кои беа донесени со изнајмувани автобуси или возови.
Ставајќи ја „екологијата во срцето на новата политичка парадигма“, тој најави дека неговиот „следен премиер ќе биде директно одговорен за еколошкото планирање“.
„Политиката што ќе ја водам во следните пет години ќе биде еколошка. Економијата ќе биде еколошка. Нашите животи ќе бидат еколошки. Големите газди ќе бидат зелени и еко-одговорни шефови“, рече тој
Кандидатот за претседател го претстави гласањето на 24 април како огромен „референдум за или против“. „За или против Европската унија; за или против екологијата; за или против нашата младина; за или против нашата Република“, нагласи Макрон на митингот.