Новинарот кој се претставил како Хуан Диего, како што вели во видеото на Твитер, изјави дека видел кога бил погоден во пределот на вратот неговиот колега Брент Рено, поранешен новинар на Њујорк Тајмс кој денеска загина во Киев.
-Го поминавме првиот мост. Видовме бегалци и тргнавме по нив. Ни беше понуден првоз до вториот мост каде требаше да снимаме бегалци. Почнаа да пукаат кон нас. Возачот сврте, видов дека Брент е погоден. Не знам како е, се раздвоивме, вели Хуан кој е повреден во пределот на ногата.
Американскиот новинар Брент Рено (51) загина откако руските сили отворија оган врз автомобил во движење во близина на Ирпин. Неговата смрт ја потврди шефот на регионалната полиција.
Иако во јавноста се појавија информации дека тој е новинар на Њујорк Тајмс од медиумот се огласија истакнувајќи дека тој во Украина не бил на задача за Тајмс.
-Со големо жалење ја примивме веста за смртта на Брент Рено. Иако порано многу придонесе за работата на Њујорк Тајм, тој не беше на задача во Украина за Тајмс. До забуната е дојдено откако се појави фотографија од прс картичката која ја носел, а му била издадена од Тајмс пред многу години за тогашната задача, велат од медиумот.
ВИДЕО: Твитер
🔴🔴 Two American journalist shot by Russian at Irpin bridge. One is under surgery at the main hospital in Kyiv and the other was shot at the neck. pic.twitter.com/9lihX1JJ58
— annalisa camilli (@annalisacamilli) March 13, 2022