Приштина: Најголемата косовска опозициска парламентарна партија, Демократската партија на Косово, ПДК, побара разрешување на министерката за правда Албулена Хаџиу и нејзино интервјуирање од страна Специјалното обвинителство во врска со нејзината изјава за бегството на затворениците од косовските затвори.
Министерката за правда, Хаџиу, во објава на Фејсбук, вели дека неодамнешните бегства од косовските затвори, меѓу кои и на Фатон Хајризи, кој беше убиен во петокот во Србија, биле олеснувани и организирани од Србија.
Доколку Србија е присутна во косовските затвори, што прави министерката за правда со своите должности? Ова е основното прашање што денес го поставува секој граѓанин. Оваа изјава покренува сериозни прашања за националната безбедност на земјата и не може да остане необјаснета, рече на денешната прес-конференција членот на Претседателството на ПДК, Перпарим Груда.