Целта на јавното обвинителството во истрагата за дискотеката „Пулс“ во Кочани е да ги докаже кумулативните ефекти на долгогодишното пропуштање, односно дали тој верижен систем на пропуштања или тие несторувања влијаат на критичниот ден, најави државниот обвинител Љупчо Коцевски во интервју во „Топ тема“ на Телма ТВ.
Ваква трагедија досега ниту во Македонија, ниту во соседните земји,за други не знам, не е случена. Навистина ова е многу тежок, многу сложен, многу комплексен предмет. Ангажирани се многу јавни обвинители и многу внимателно се постапува на сите детали кои што можат да бидат корисни, вели Коцевски.