Македонскиот премиер Димитар Ковачевски побара безусловен старт на преговорите со Европската Унија не криејќи ја амбицијата, одлуката за тоа да се случи веќе на претстојниот самит на ЕУ на 23 јуни во Брисел.
„Македонија има направено се за да се случи првата меѓувладина конференција со ЕУ. Доколку се работи, а се работи по мерит систем на заслуги, Македонија заслужува прва меѓувладина конфдеренција. Ние не можеме постојано да бидеме заложници на самитите на ЕУ и да очекуваме дали ќе има или ќе нема датум. Тоа сега зависи од 27 земји на ЕУ, односно имаме ситуација кога една земја членка на ЕУ држи како заложници две земји кандидати за членство на патот кон ЕУ. Огромна е поддршката на Германија за прогрес во евроинтеграциите и благодарни сме поради тоа, нагласи премиерот Ковачевски.
Прашан да го коментитра преговарачкиот процес со Бугарија и има ли изгледи да се постигне решение до јунскиот самит на ЕУ, Ковачевски со став:
„Ние со нив водиме преговори на принципиелни и европски вредности, врз основа на начелата на изгласаната Резолуција во нашето Собрание. Кога се работи за преговори најмалку еден услов тие да бидат успешни се страните да се доверливи во процесот. Ако сака процесот да е успешен и Бугарија треба да е таква и тоа да го направи. Но, има разлика. Овие преговори за нас се поради отпочнување на процесот на пристапни преговори со ЕУ и ние ова не го политизиравме или инструментализиравме како внатрешно полотичко прашање , што не е случај со Бугарија која го инструментализира и политизира прашањето, што не е добро. Не сакам да ги коментирам претпоставките и барања за кои јавуваат медиумите. Разговорите со бугарската страна се водат преку МНР и тогаш кога ќе дојде момент на заемно прифатлив документ ќе соопштат, но досега таков документ нема, изјави Ковачевски.
Од своја страна , германскиот канцелар Шолц рече дека ќе се заложи да биде деблокиран процесот за евроинтеграциите на Северна Маедонија зашто се исполнети сите предуслови за тоа.
„Со задоволство ќе повторам дека првата меѓувладина конференција може веднаш да почне. Предусловите се исполнети. Се заложувам да го охрабрам вашето соседство за тоа да биде можно. Северна Македонија и Албанија ги исполнија предусловите и сите други земји треба да го поддржат тоа. Тоа е моЈата желба, сега ни преостанува да успееме во тоа, изјави германскиот канцелар Шолц.
Тој истакна дека ЕУ поради својот кредибилитет и ветувањето што пред две години и го дала на земјава за почеток на преговорите, треба сега да го реализира.
И Ковачевски и Шолц на прес конференцијата во суперлативи говореа за тридецениските одлични билатерални односи , за безрезервната поддршка на Германија не само на политички туку на економски план.
Со трговска размена која книжи 4,7 милијарди евра , Германија речиси три децении е на првата позиција како најголерм наш економски партнер, И сега бројот на германски фирми кои инвестираат кај нас е околу 200 кои обезбедувата 20 000 вработувања. Во моментот се работи на исто така голема инвестиција за 400 мегаватна ветерна централа вредна 500 милиони евра.
Мирјана Трпческа