Кралот Чарлс Трети денеска полета за Северна Ирска на последната етапа од неговата турнеја низ четирите делови на Обединетото Кралство, каде што се собра локалното население да го поздравииако ирскиот регион е длабоко поделен околу британската монархија.
Чарлс и неговата сопруга Камила, која сега ја има титулата кралска сопруга, излегоа од својот автомобил за да ги поздрават луѓето кои излегоа да им кажат добредојде.
За некои ирски националисти, британскиот монарх претставува угнетувачка странска сила. Но, други ја признаваат улогата на кралицата во создавањето мир. При посетата на Северна Ирска во 2012 година, таа се ракуваше со заменик-лидерот на Шин Фејн, Мартин Мекгинис, поранешен командант на ИРА – некогаш незамислив момент на помирување.
Како илустрација на тоа колку далеку Северна Ирска стигнала на патот кон мирот, претставниците на Шин Фејн – главната ирска националистичка партија присуствуваа на комеморативните настани за кралицата а денес се сретнаа и со кралот Чарлс.
Чарлс им рече дека неговата мајка „била длабоко свесна за улогата што ја играла во зближувањето на оние кои историјата ги разделила и во пружањето рака за да се залечат долгогодишните рани“.
Претседателот и премиерот на Република Ирска, исто така присуствуваа на комеморацијата во Белфаст, и покрај тензичните односи меѓу Даблин и Лондон поради Брегзит. Откако Велика Британија ја напушти Европската унија во 2020 година, Велика Британија и ЕУ се расправаат околу трговските правила за Северна Ирска, единствениот дел од Обединетото Кралство што ја дели границата со членка на блокот.
Ковчегот на кралицата претходно беше и во Шкотска, а неговата крајна дестинација ќе биде Лондон каде што се наоѓа официјалниот дом на кралицата, Бакингемската палата.
Авионот на кралското воздухопловство C-17 Globemaster што ќе го носи ковчегот, се користеше и за евакуација на луѓе од Авганистан и за носење хуманитарна помош и оружје во Украина по руската инвазија, рече началникот на британската воздухопловна маршал Сер Мајк Вигстон. (АП)