По неколку недели тензии помеѓу Русија и Украина, и по анексирањето на Крим од страна на Москва, руските власти имаат во план да го преземат надзорот и врз делфините на тоа подрчаје.
Станува збор за високо тренирани цицачи кои забележуваат ризик во водите, како на пример експлозивни направи, водни мини чија моќ можат да потонат брод, или непријателски нуркачи.
„Програмата со делфините во кримскиот град Севастопољ ќе биде сочувана и пренасочена во интерес на руската морнарица“, пишува руската агенција Риа Новости.
Делфинот важи за клучен елемент во безбедноста на отворено море. Тие забележуваат звуци и предмети во длабоките води кои се недостапни за човекот, особено на дното на водите.
– Украина во програмата со делфините користеше застарена воена опрема и планираше да јаукине следниот месе, пишува Риа Новости.
Министерството за одбрана на Украина образложува дека земјата има посебен објект за делфините, а се работи за доверливи информации кои не можат да ги соопштат во јавноста.
Ваквата програма датира од 60-тите, кога Русија и Украина беа дел од Советскиот Сојуз, а истата и беше предадена на Украина по добивањето независност.
.jpg)
Инаку и американската морнарица во Сан Диего исто така тренира делфини и фоки кои ги користат како „оружје“ за детектирање опасност во водите.