Централен настан од годинашнава програма на Македонскиот ПЕН центар ќе биде Регионалната конференција на која, во почетокот на јуни, писателите од земјите од регионот и пошироко ќе дебатираат на тема „Зборот и слободата”.
Ова беше заклучено на редовното годишно собрание на Македонскиот ПЕН на кое беше усвоен извештајот за минатогодишната и програмата за овогодишната работа.
– Македонскиот ПЕН ќе ја почне програмската година на 21 март со традиционалното одбележување на Светскиот ден на поезијата во НУБ „Св. Климент Охридски”. Се планира во Куманово да се одржи средба „Поезија на граница” со поетите од Србија, по примерот на минатогодишните средби со поетите од Бугарија и Албанија, соопшти ПЕН центарот.
По повод 50-годишниот јубилеј ќе биде објавена посебна публикација, а членови на Македонскиот ПЕН ќе одржат литературни настапи во универзитетските библиотеки во Битола и во Штип, како и во неколку други библиотеки во Македонија.
Во рамките на билатералната и меѓународната соработка, членови на Македонскиот ПЕН ќе учествуваат на книжевни настани и дебати во регионот, како и на Светскиот конгрес на Меѓународниот ПЕН