Македонската ракометна репрезентација вечерва гостува кај Чешка во првиот меч од пресметката за пласман на Светското првенство во 2023 година. Селекторот Кирил Лазаров верува дека со максимална негова ангажираност и на неговите избраници може да се дојде до добар резултат пред реваншот во Скопје.
Лазаров кој ќе ја има и улогата на капитен на теренот, смета дека Чешка е посилна од претходниот ривал Романија.
„Ако треба да ја споредам Чешка со Романија, можам да кажам дека 15 до 20 отсто се работи за повоиграна репрезентација, иако не треба да се занемари квалитетот на Романците. Нема да не плаши тоа, имаме јасна идеја, можеби ќе ѝ ја препуштиме фаворитската улога, меѓутоа ние сакаме Светското првенство и спремни сме да го дадеме нашиот максимум да дојдеме таму. Мислам дека многу ќе ни значи уште еден настап на Светско првенство со оваа нова генерација. Спремни сме за предизвикот“, рече Лазаров.
Натпреварот ќе се игра во Злин со почеток во 20:15 часот, реваншот е в недела во Скопје од 19 часот.