Генералниот директор на МРТ Марјан Цветковски за НОВА вели дека нема да дозволи МТВ да влезе во дневно-политичките битки откако вчера од Универзалната сала лидерот на опозицијата Зоран Заев побара оставки од раководството на јавниот сервис.
„Во првиот мандат од 3 години бев фокусиран на реализација на програмата. За среќа успеав. Во тие три години воопшто не се впуштав во коментирање на ставови и барања на политички партии. Истото ќе продолжам да го правам. МРТ нема да дозволам да влезе во дневно-политичките битки“, вели Цветковски за НОВА.
МРТ долго време е критикувана од меѓународните организации, Европската комисија, како и од домашните невладини организации и новинарски здруженија дека не ја исполнува својата законска обврска да обезбеди фер и балансирано известување за сите политички и граѓански субјетки во Македонија, односно дека уредувачката политика е пристрасна кон владејачката партија ВМРО ДПМНЕ.