Вчера вечер во Виена 20.000 жители на овој град излегоа на улиците за да ја изразат нивната поддршка за бегалците и воедно да го изразат својот револт против лошиот третман на кои се тие изложени ширум Европа.
Вчерашните протести во Виена беа поттикнати од трагедијата која се случи во Австрија кога во камион беа пронајдени телата на 71 бегалци.
Демонстрациите во Виена се одржаа во центарот на градот пред катедралата Свети Стефан каде што се одржуваше миса за загинатите бегалци. Демонстрантите носеа транспаренти со пароли како „Азилот е човечко право“ , “Бегалци добро дојдовте“ , „Не сакам Европа да стане масовна гробница“
За време на протестот, демонстрантите пееле поп песни за љубов и солидарност. Додека колоната се движела низ улиците граѓаните застанувале и со силен аплауз го поздравиле настанот додека полицајците задолжени за обезбедувањето во знак на почит кон демонстрантите ги симнале своите шлемови.
„Доста ни е смрт и страдање „ изјави виенскиот надбискуп во знак на поддршка на овој протест.
Организаторот на протестот Надиа Рида во своето емотивно обраќање ја обвини Европа за политички неуспех и нечовечки третман на бегалците.