Меѓу 27-те земји членки на Европската Унија (ЕУ) има поделеност околу проширувањето на Унијата, откако Киев денеска побара членство во екот на руската инвазија, изјави претседателот на Европскиот Совет (ЕС), Шарл Мишел.
Во ЕУ има различни ставови и чувствителност во однос на проширувањето, рече тој.
Украинскиот претседател Зеленски во екот на руската инвазија од ЕУ денеска побара итен прием на Украина.
Бараме од Европската Унија итно да ја прифати Украина во нејзиното членство според нова, специјална процедура. Сигурен сум дека Украина го заслужи тоа и дека тоа е можно, рече украинскиот претседател.
Мишел, меѓутоа, појаснува дека Киев ќе треба да поднесе формална апликација за пристапување, по што земјите-членки ќе треба да излезат со едногласна позиција.
Претходно денеска претседателот на ЕС изјави дека треба да се разговара за евентуалното членство на Украина во ЕУ.
Ова се дебати кои дефинитивно ќе се одржат. Но, ние веќе имаме многу силен договор со Украина што треба да се засили, одговори Мишел на прашањето дали ЕУ е подготвена да ги отвори вратите за Украина.
„Тоа ќе ги зајакне економските и политичките врски со Украина“, додаде тој.