Компанијата „Нетфликс“ го објави краткиот исечок за новиот документарец за претседателскиот кандидат на САД од редовите на Републиканците во 2012, Мит Ромни, насловен „МИТ“, кој нуди директен увид во неуспешната кампања. Режиран е од страна на Грег Витли, долгогодишен пријател на Ромни.
„Не можам да поверувам дека ќе изгубиш“, вели еден од неговите синови.
„Да…па, што мислите што да се каже во еден олеснителен говор?“, одговара Ромни во тивка соба во која се присутни неговата фамилија и советници.
Видеото исто така ги покажува и измачувачките моменти за време на една кампања за претседател на САД, а во еден дел од видеото неговата сопруга жалејќи се, вели „Никогаш повторно не би сакала да го правам ова“.
Режисерот Грег Витли, е во секојдневно патување паралелно со кампањата, во допир со гласачите, подготовките за дебатите, личните моменти со неговата фамилија, како и објавувањето на резултатите.
Американскиот бизнисмен и политичар, на претседателските избори во 2012 одржани на 6 ноември, загуби од Демократот Барак Обама.
Ромни беше 70-ти гувернер на Масачусетс од 2003 година до 2007.