– Колку што сум информиран во текот на утрешниот ден практично имаме во Парламентот два закони кои што по скратена постапка треба да се донесат, а тоа е измената во законот за додадена вредност и измената во законот за акцизи. Иако ние тоа го предложивме уште таму некаде на крајот од минатиот месец за жал поради самобендисаноста би рекол и надменоста на оваа Влада, граѓаните изминативе две недели плаќаа за неколку десетици денари за литар поскапо гориво“,истакна претседателот на ВМРО-ДПМНЕ, Христијан Мицкоски во вечерашното гостување на Алфа телевизија, притоа дополнувајќи:
– Ќе видиме како ќе се одвиваат работите деновиве, јас следејќи го она што е на меѓународните портали, следејќи го она кое што е актуелно во светот не очекувам дека нешто бргу ќе се измени во насока на смирување на состојбата каде што е конфликтно подрачје во моментов и каде што се случува тоа што се случува. И некако не можам да ја издвојам Македонија од сето тоа и дека граѓаните во Македонија бидејќи немаше план за справување оваа Влада со сето ова кое што денеска се случува, ќе трпат последици на семејниот буџет на стандардот. Ќе трпат и тоа е само како резултат на погрешните политики и немањето стратегија и визија на актуелната Влада“, нагласи Мицкоски.
Мицкоски посочи дека од власта ќе бараат разно разни оправдувања, но тоа немало да им помине бидеjќи граѓаните им ја прочитале неспособноста, изјави тој.
Мицкоски во гостување во емисијата „Заспиј ако можеш“ истакна дека Пендаровски кажа дека знаеле за агресијата врз Украина уште пред 4 месеци и знаеле дека ќе дојде до ова економско сценарио, но власта немала план за справување со ситуацијата и да го заштити стандардот на граѓаните.
– Пендаровски рече дека уште пред 4 месеци знаеле, претпоставувам дека човек кој ја добил таа информација ја споделил со останатите чинители во владата. Тој рече уште во ноември дека знаеле, претпоставувам дека ја споделил зо Зоран Заев и останатите, а Заев претпоставувам му ја пренел таа информација на Ковачевски кога овој одлучи да му го грее столчето. Генерално неодговорно однесување, погрешно, без стратегија без план да се менаџира ситуацијата и да се олесни тешкиот живот на македонските граѓани, рече Мицкоски.
Мицкоски истакна дека оваа влада немала план за справување со сето ова кое денеска се случува, а последици ќе трпат граѓаните на семејниот буџет и на стандардот.
– Тоа е резултат на немањето стратегија и погрешните политики и немањето визија на владата. И за тоа ќе има одговорност, ако мислат дека ова така ќе заврши се лажат, порано или подоцна ќе има одговорност, нагласи Мицкоски.