Под кампањата со необично име – Мовембер (англиска комбинација на мустаќи и ноември), мажите цел месец пуштаат мустаќи за да го свртат вниманието на здравјето на машката популација, научните истражувања за третман на раковите на простата и тестисите, како и менталните заболувања.
Во кампањата се вклучуваат спортисти, глумци, музичари, ТВ-личности…
Глобално, пуштањето, а и сукањето на мустаќите секој ноември трае веќе десет години. А, се почнало на шега.
Група пријатели од Мелбурн, Австралија, во разговор за ретро-модата се решиле на ваква кампања која за кратко време доби светски размери. Досетливите Австралијанци првата година не привлекле донации, но веќе втората собрале 54.000 австралиски долари.
Лани, Мовембер се прошири и во Австрија, Франција, Германија, Хонг Конг и Сингапур. Учествувале 1,3 милиони луѓе, а вкупната донација била 147 милиони долари.
На сајтот на Мовембер може да се регистрирате и да поставите свои мустаклести фотографии, со што се вклучувате во кампањата за кревање на свеста за болестите на машката популација, а може и да донирате, па дури и симболично.
извор: Глас на Америка
видео: „Мовембер“