Меѓу добитниците на престижната награда за кураторство на Фондацијата за
уметнички иницијативи (The Foundation for Arts Initiatives) оваа година за прв пат се најде и куратор од Македонија.
Станува збор за Сузана Милевска, кураторка и теоретичарка на уметноста и
визуелната култура која ја доби наградата за независни истражувања и кураторски проекти што оваа меѓународна Фондација ја доделува уште од 1999 година.
Наградата во износ од 7.500 УСД. се доделува по пат на тајно номинирање и гласање од страна на Советот на Фондацијата, а наградата ја добиваат кураторите кои според околу 120 членови на оваа Фондација со своите проекти придонеле кон оригиналното и експерименталното размислување во областа на современата уметност.
Милевска докторирала во 2006 на Колеџот Голдсмитс во Лондон, добитничка е и на престижните награди АЛИС за политичко кураторство (за проектот „Машина за преименување“) и пред неколку месеци – на наградата за теорија и култура „Игор Забел“.
Милевска одржала предавања на многу прeстижни академски и уметнички институции во светот како што се Универзитетот Алвар Аалто и aкадемијата за ликовна уметност во Хелсинки, Универзитетот Оксфорд, Школата на Уметничкиот институт во Чикаго, Универитетот Колумбија во Њујорк, Академиите за ликовна уметност во Виена, Венеција и Берлин, како и во музеите Тејт во Лондон, КИАЗМА во Хелсинки, Модерниот музеј во Стокхолм, МУМОК во Виена и ЦАМК во Кумамото (Јапонија)
Во 2005 беше една од кураторите на Меѓународното биенале во Националната
галерија во Прага, а во 2011 година, една од иницијаторите на Ромскиот павилјон на Венециското биенале.