Наредната недела треба да разјасни како ќе се размрси политичко-партискиот јазол и кој тас од вагата ќе наттежне дали оној на СДСМ или на ВМРО-ДПМНЕ или и двете најголеми партии ќе покажат пата-пата пратеници односно 60/60 по што неизбежна ќе биде разврската преку малцинска влада и организирање предвремени парламентарни избори.
Официјално, во Алтерантива денеска молк, со исклучок на изјави на кои се повикуваат дел од медиумите од високи претставници од партијата на Гаши, дека одлуката за тоа дали Алтернатива ќе продолжи со СДСМ или со ВМРО-ДПМНЕ ќе се дознаела во вторник. Еден таков претставник од партијата на Гаши за Телма телевизија изјавил дека внатре се поделени и дека која страна и да се одбере тоа би придонело за внатрепартиски нетрпеливости и турбуленции.
Поради тоа, наводно претседателот на Алтернатива деновиве ќе се среќавал и со претседателите на Алијанса за Албанците и ВМРО-ДПМНЕ, Села и Мицкоски, со цел да ја слушне и нивната понуда,
Денеска од ВМРО-ДПМНЕ, посочија дека Гаши имал две опци. Едната била да го послуша гласот на граѓаните или да тргне по трката за позиции изјави партиската портпаролка Марија Митева. Од опозицизската партија не пропуштаат момент да повикаат на брзи предвремени парламентарни избори.
Во меѓувреме во вторник, во СДСМ ќе заседаваат Централниот и Извршниот одбор на партијата, кои треба да ја констатираат оставката на Зоран Заев. Ова вчера го објави лидерот во оставка на СДСМ и актуелен премиер Заев, со што ги отфрли и најмалите сомнежи дали тој ќе се повлече од партијата.
Засега сите го очекуваат „гејмот“ на Алтернатива.
(М.Т)